РАСМИЙ МУНОСАБАТ
Жорий йилнинг 17 июль куни Шовот туманида яшовчи фуқаро Д.Наримованинг “You tube” ижтимоий тармоғи орқали суд қароридан норози бўлиб қилган мурожаати тарқалди.
Д.Наримова мурожаатида 2 нафар фарзандининг якка боқувчиси эканлиги, 2019 йилда тадбиркорлик билан шуғулланиш мақсадида “Хоразм ҳудудий электр тармоқлари” АЖга қарашли молхона биносини аукционда сотиб олгани, ҳозирда ташкилот раҳбари аукцион натижасини ҳуқуқий важлар билан тан олмай аёлни судга бергани ва суд ўз навбатида ташкилот фойдасига ишни ҳал қилгани танқид қилинган.
Ушбу ҳолат юзасидан ўрганиш ишлари олиб борилганда, Д.Наримова томонидан суд қароридан норози бўлиб апелляция тартибида шикоят аризаси киритилгани ва мазкур иш вилоят судида кўриб чиқилаётгани маълум бўлди. Суд жараёнлари тугагандан сўнг ҳолат юзасидан батафсил маълумот берилишини маълум қиламиз.
Шовот тумани ҳокимлиги Матбуот хизмати