YASHIL MAKON UMUMMILLIY LOYIHASI DOIRASIDA HAMMAMIZ FAOLMIZ

“Yashil makon umumimilliy loyihasi doirasida hammamiz faolmiz” mavzusida media-tur tashkil qilindi. Tuman hokimligi va boshqa mutasaddi tashkilotlar hamkorligida ishlar yo’lga qo’yilib, tumandagi jurnalist va blogerlar qatnashdi. Shovot tumani “Qiyot” qishlog’i hududida umummilliy loyihasi doirasida mevali va manzarali daraxt ko’chatlari o’tqazildi. Tumanimizda ushbu loyiha doirasida ishlar tizimli ravishda yo’lga qo’yilgan.

Joriy yilning bahor mavsumida “Yashil makon” umummilliy loyihasi doirasida 878 ming dona manzarali va mevali koʼchatlar ekilishi rejalashtirilgan bo’lib, daraxt ekishda jamoat ishlari jamgʼarmasidan 32.8 mln.soʼm mablagʼ jalb qilgan holda 40 nafar ishsiz fuqarolarni, birinchi navbatda, “Temir daftar”, “Аyollar daftari” va “Yoshlar daftari”ga kiritilgan fuqarolarning vaqtinchalik bandligi taʼminlanadi. Yashil hududlar salmogʼini oshirish maqsadida jami 10 gektar maydonda “Yashil bogʼlar”, 2.0 gektar maydonda “Yashil jamoat parklari” tashkil etiladi.

Shu bilan birga bir turdagi koʼchatlarni ekish orqali “Olmazor koʼchasi” va “Olchazor koʼchasi” kabi namunaviy koʼchalar tashkil etilishi barobarida koʼkalamzorlashtirish hududlarida 25.08 kmda sugʼorish tarmoqlari qaziladi va 9 ta yer osti suv chiqarish quduqlari qayta tiklanadi. 2022 yil kuz mavsumida daraxtlar ekish uchun qoʼshimcha 400 ming dona koʼchatlar zaxira qilish rejalashtirildi.