HOKIM VA TADBIRKORLAR UCHRASHUVI

Shovot tumani hokimi Muradbek Davlatov tomonidan tadbirkorlik faoliyatida muammolari mavjud bo‘lgan, faoliyati to‘xtagan va qayta tiklash istagida bo‘lgan tadbirkorlarning muammolarini bartaraf etish maqsadida tadbirkorlar bilan uchrashuv o‘tkazildi. 

Uchrashuv davomida tadbirkorlar o‘z faoliyatlarini kengaytirish, kredit olish, soliq imtiyozlarini qo‘llash kabi muammoli masalalar yuzasidan murojaat qilib, yangi biznes g‘oyalari va takliflarini bildirdilar. Har bir murojaat tegishli soha rahbarlari ishtirokida shu joyning o‘zida muhokama qilindi, ko‘tarilgan masalalarning bir qismi joyida o‘z yechimini topdi, qo‘shimcha o‘rganishni talab qiladigan murojaatlar ijrosi qat’iy nazoratga olindi.